Next Euskadi

Prentsa Aretoa

2022/03/08

Nerea Ahedok etxeko langileentzako LANEren hitzarmena berresteko premiatu du Espainiako Gobernua

Yolanda Díaz ministroari esan dionez, diskriminazioa ezabatzeko eta lan-baldintza ekitatiboak izateko neurriak hartzeko aukera emango luke.

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

EAJ-PNVko Nerea Ahedo senatariak Bigarren Presidenteordea premiatu du Estatuko Gobernuak berrets dezan LANEren 189 Hitzarmena, etxeko langileen lan txukunari buruzkoa. Gaur arratsaldeko Gobernuaren kontrolerako saioan, ordezkari jeltzaleak Yolanda Diazi aurpegiratu dio ez duela zehaztu noiz baliozkotuko den duela 11 urte onartutako akordioa, izapide hau behin baino gehiagotan iragarri arren, “horri esker, dagoeneko zenbait neurri hartu ahalko ziren haren diskriminazioa ezabatzeko, enplegu-baldintza ekitatiboak izan zitzaten eta gizarte-segurantzaren babesari dagokionez baldintza ez hain onuragarriak ziurta zitzaten”.

Ahedok atentzioa eman du Europako belarri-tirakada bat jasotzen duenean Exekutiboari sartzen zaizkion “larrialdiez”, Europar Batasuneko Justizia Auzitegiak eman berri duen epaiari dagokionez. Epai horrek ondorioztatu zuen etxeko langileek langabezia-prestazioa jasotzeko eskubidea dutela, beste sektore batzuetako gainerako langileek bezala. Lan hori “funtsezkoa bezain ikusezina eta gutxietsia” dela baloratzeaz gain, EAJ-PNVko senatariak hausnarketa bat egin du, bere buruari galdetu baitio ea “Hitzarmena ez ote litzatekeen aspalditik berretsita egongo, gehienbat emakumeek eta migratzaileek egingo ez balute”.

Next Euskadi