Next Euskadi

Prentsa Aretoa

2022/04/06

Imanol Landak haurdunaldia borondatez eteteko kliniketara joaten diren emakumeen jazarpenaren aurkako babesa zabaltzeko “galdutako aukera” deitoratu du

Euskal Talde Parlamentarioak jazarpena zigortzeko Lege Proposamenari baiezkoa eman dio, baina atsekabea agertu du ez dituela zigortuko horretarako gaitutako zentroetatik hurbil dauden kontzentrazioak.

rss Ezagutzera eman

ARGAZKIA JAITSI

BIDEOA JAITSI

PARTEKATU BIDEOA

Haurdunaldia borondatez eteteko kliniketara joaten diren emakumeen aurkako jazarpena zigortzen duen Lege Organikoaren Proposamenari baiezkoa eman dio gaur arratsaldean EAJ-PNVk Senatuan. Imanol Landa senatariak esan du jeltzaleen babesa “konbikzioagatik eta emakumeen oinarrizko eskubideen defentsagatik” dela, eta Euskal Taldearen parte-hartze aktiboa azpimarratu du, Kongresuko izapidean sartutako zuzenketan islatua, emakumeak eta zentroetako langileak jazarpen horiek salatzeko betebeharretik salbuesteko ekintza penalei hasiera emateko. Hala ere, deitoratu du “aukera bat galtzen ari dela zigor-arloko manu berri horren babes juridikoaren esparrua zabaltzeko, neurri gehigarri eraginkor eta aplikatu batekin gure inguruko Europako herrialdeetan”.

Euskal Talde Parlamentarioaren emendakinak, onartutako Lege Proiektuan sartu ez denak, eskatzen zuen arau-hauste larritzat jotzeko haurdunaldiak borondatez etetearen aurkako kontzentrazioetan parte hartzea, praktika horretarako gaitutako lekuetatik 150 metro baino gutxiagora. Horren helburua da “segurtasun-eremuak” ezartzea, “jazarpen-jokabideetatik babesteko eta emakumeen intimitatea eta pribatutasuna bermatzeko, bai eta zirkulazio askerako eskubidea bermatzeko ere”, eta, baita “medikuak eta zuzendariak babesteko”.

EAJ-PNVko senatariak agerian utzi duenez, “ez da onargarria oinarrizko eskubide hori baliatu nahi duten emakumeek beren erlijio-morala legearen gainetik inposatu nahi dutenen jazarpena, markatzea eta hertsapena jasatea, erabat onartezina den paternalismoa eta tutoretza erabiliz. Zentzu berean horretarako gaitutako zentroetako langileei egiten zaien presioa ere ez den bezala”, azaldu du. “Kontrakoa zera litzateke, egitateen bidetik eskubide horien egikaritzan atzerapen argia onartzea. Horretarako, ez duzue EAJ-PNVren laguntzarik izango”, ohartarazi du.

Next Euskadi