Datorren asteartean Senatuan egingo den Gobernuaren kontrolerako saioan, Euskal Talde Parlamentarioak Gobernu zentralari galdetuko dio nola hartuko dituen kontuan Espainiako Estatuko hizkuntza ofizialak Hizkuntzaren Ekonomia Berriko PERTEak, Ministroen Kontseiluak martxoaren 1ean onartu zuenak. Luke Uribe-Etxebarriak EAJ-PNVren iritzia helaraziko dio Nadia Calviño Gobernuko presidenteorde eta Ekonomia Gaietarako eta Eraldaketa Digitalerako ministroari, hain zuzen ere, proiektu estrategiko horretan euskarak tratamendu egokia izan behar duela eta Europako Funtsen esparruan digitalizatzeko beharrezkoak diren baliabideak izan behar dituela.

Bigarren gai batean, Rosa Peralek Pilar Alegría Hezkuntza eta Lanbide Heziketako ministroari galdetuko dio gobernuak noizko duen aurreikusita unibertsitatera sartzeko proba berri bat diseinatzea, curriculum-dekretuetan sartutako metodologia- eta ebaluazio-aldaketekin koherenteagoa izango dena. LOMLOE ezartzerakoan unibertsitatera sartzeko sistema aldatu beharra eskatzen du, aurreikusitako hezkuntza-curriculumekin bat etorriz.