Next Euskadi

Prentsa Aretoa

2022/06/17

Indarkeriaren aurrean haurrak eta nerabeak babesteko lege organikoaren erregelamendu bidezko garapenaz galdetuko dio EAJ-PNVk Espainiako Gobernuari

Astearteko kontrolerako saioan, Guatemalako zenbait departamentutan giza eskubideen defendatzaileen aurka egiten ari den jazarpenaren inguruko kezka ere eramango du Ganberara

rss Ezagutzera eman
Indarkeriaren aurrean haurrak eta nerabeak babesteko lege organikoaren erregelamendu bidezko garapenaz galdetuko dio EAJ-PNVk Espainiako Gobernuari

ARGAZKIA JAITSI

Datorren astearteko kontrol saioan, Euskal Talde Parlamentarioko Maribel Vaquero senatariak Espainiako Gobernuari galdetuko dio noiz eta nola aurreikusten duen erregelamendu bidez garatzea haurrak eta nerabeak indarkeriaren aurka erabat babesteari buruzko ekainaren 4ko 8/2021 Lege Organikoaren bederatzigarren xedapen gehigarrian jasotakoa, dedikazio esklusiboko harreragile espezializatu gisa izendatutako pertsonak Gizarte Segurantzan sartzearen irismenari eta baldintzei dagokienez. Vaquerok azaleraziko du araudi hori legea onartu eta urtebeteko epean onartu behar zela, eta epe hori agortu dela, eskatutako erregelamendu-garapenik egin gabe.

Bestalde, Imanol Landak Guatemalako giza eskubideen ikuskapenean eta defentsan, eta, zehazki, Alta eta Baja Verapaz departamentuetan eskubide horien defendatzaileen jazarpen- eta kriminalizazio-egoerari dagokionez, Gobernu zentralak jarrera proaktiboagoa hartuko duen galdetuko du. Senatari jeltzaleak nazioarteko komunitateak inplikazio handiagoa izateko beharra azalduko du zigor-zuzenbidearen erabilera desegokiari dagokionez, lider komunitarioen, herri indigenen eta nekazarien aurka joateko, lurrerako sarbidearen, ingurumenaren babesaren eta komunitate indigenen lurralde-eskubideen aldeko gatazka eta borroken ondorioz.

Next Euskadi