EAJ-PNVko Luke Uribe-Etxebarria senatariak, EHUren Udako Ikastaroan, “Europako Kanpo Politika eta Segurtasun Bateratua irmo garatzeko beharra” defendatu du. Uribe-Etxebarriak ‘EBko Kanpo Politikaren egungo erronkak: Ukrainako gatazka’ izeneko analisi-mahaian parte hartu du gaur, Espainiako Estatuko Erregistratzaileen Elkargoak eta Europako Praktika Juridikoaren Akademiak antolatuta, Arancha Gonzalez-Laya Paris School of International Affairseko Kanpo Arazoetako ministro ohi eta dekanoarekin eta Europako Batzordeko Aldea EBko Zehapen Unitateko buruarekin batera.

Kongresu-Senatuko EBrako Batzorde Mistoko bozeramaile jeltzaleak deitoratu duenez, “Estatuek ez dute, tradizioz, kanpo-harreman politikoen esfera komunitarizatu nahi izan, eta praktikan gobernuen arteko esparru batean utzi dituzte, beren subiranotasunaren erdigunea bete-betean ukitzen duen eremua delako eta praktikan erreala eta eraginkorra ez den botere hori galtzeari uko egiten diotelako”. Ildo horretan, EAJko senatariak azpimarratu du “gertakarien denbora eta indarra eta, batez ere, mundu globalizatu eta teknologizatu baten esparruan Europan Estatu txikiak eta txikiak direla ez dakiten edo jakin nahi ez duten estatuak daudela dioen errealitate egoskorrak aurrerapen esanguratsuak, baina nahikoak ez direnak, eragin dituela eremu horretan”.

Ikastaroan parte hartu dute, halaber, Olatz Garamendi Euskadiko Gobernantza Publiko eta Autogobernuko sailburuak, Didier Reynders Justiziako komisarioak, Pilar Llop Espainiako Justizia ministroak eta Mairead McGuinness Finantza Zerbitzuen, Finantza Egonkortasunaren eta Kapital Merkatuen Batasunaren komisarioak.