EAJ-PNVk Nekazaritza, Arrantza eta Elikadura ministroaren konpromisoa lortu du, arrantza legearen erregelamendu bidezko garapenean kuotek arrantza bakoitzaren berezitasunei erantzuteko bermeak sartzeko, arrantza aktiboan dauden flotei dagokienez. Horrela, Luis Planas ministroak baieztatu egin ditu Juan Carlos Medina senatari jeltzaleak Euskal Taldeak aurkeztutako zuzenketak erretiratzeko argudiatu dituen arrazoiak, -zuzenketa horiek onartu balira testua Diputatuen Kongresura itzultzea eragingo zuen-.

Euskal Talde Parlamentarioak defendatu duenez, arrantza-aukerak aldi baterako eskualdatzen direnean, eutsi egin behar zaie arrantza-tokiak arautzen dituzten Ministro Aginduetan edo Errege Dekretuetan pentsatutakoari, eta malgutasunez jokatu behar da arrantza-kuotak trukatzeko, baita diruaren truke ere. “Guk 'sofako armadorea’ gaitzesten dugu' eta zigortzea partekatzen dugu, baina ez lirateke zigortu behar urtean zehar jarduera erregularra duten ontzietako armadoreak”, azaldu du. “Bidegabekeria litzateke modu berean kalifikatzea behin eta berriz bere kuotak eskualdatzen edo alokatzen dituena, bere ontzia amarratuta egonik eta inolako jarduerarik sortu gabe, edo, gure kasuan, euskal ontzidia: itsasora doan eta beste arrantza-toki batzuetan arrantza-jarduera duen jendea”. Horregatik, Medinak “bidezkotzat” jo du aurreko banaketak errespetatzea. “Horrek lasaitasuna eta berme juridiko eta soziala ematen die beren helburuak eta arrantzalekuak horren arabera oinarritzen dituzten arrantzaleei”.

Azkenik, Medina pozik agertu da legeak saregileei, paketatzaileei eta neskatilei erretiro-adina murrizteko koefizientea lehen aldiz onartzen dielako. Eskaera hori EAJ-PNVren ekimenez sartu zen, Gizarteratze, Gizarte Segurantza eta Migrazio ministroak berak iazko apirilean aitortu zuen bezala, Nerea Ahedo senatariaren ekimen batean prozesuaren hasiera pertsonalizatu baitzuen, eta prozesu horren ondorioz, lege honen bidez, itsasoko sektoreko gainerako langileek zituzten baldintza berberak ezin izatea eragiten zuen anomalia konpondu da. Neurri hori duela hamarkada bat baino gehiagotik defendatu du EAJ-PNVk jarduera horrek eragiten dien hainbat arlotatik – Arrantza, Berdintasuna eta Gizarte Segurantza –, Jose Maria Cazalis, Maria Dolores Etxano, Juan Carlos Medina eta aipatutako Nerea Ahedo senatarien ekimenen bitartez.