EAJ-PNVko María Dolores Etxano senatariak Irene Montero Berdintasun ministroari interpelazioa egingo dio Espainiako Gobernuak 10/2022 Lege Organikoaren 37. artikuluan aurreikusitako sexu-biktimaren izaera egiaztatzeko prozedura administratiboa ezartzeko zer jarduera aurreikusten dituen galdetuz. Egiaztapen horrek ahalbidetuko luke Sexu Askatasunaren Legeak jasotzen dituen eskubide eta baliabide guztiak eskuratzea.

Bestalde, Almudena Otaola senatariak Kultura eta Kirol ministroari eskatuko dio 2018an Artistaren Estatutuan adostu ziren neurrien artean Gobernuak onartu eta martxan jarri zituenen inguruko balantzea egin dezala. Ordezkari jeltzaleak, baita ere, Miquel Iceta ministroari eskatuko dio oraindik hasi ez diren gainerako hogeita hamarren bat neurri eta gomendioei buruzko aurreikuspen bat ere jakinarazteko.