Nerea Ahedo EAJ-PNVko senatariak Gizarte Segurantzaren erregimen ekonomikoaren kudeaketa Euskadira transferitzea aldarrikatu du, Euskal Autonomia Erkidegoan dituen arreta-zerbitzuak hobetzeko erremedio gisa. "Berandu baino lehen gauzatzea espero dut, eta horrek euskal herritarrei askoz ere modu eraginkorragoan erantzuteko aukera emango liguke", iradoki du.

Ildo horretan, Alderdi Popularraren mozio baten eztabaidan, Ahedok "tranparik ez egiteko" eskatu die, arazoak aurreko legegintzaldian hasi zirela aditzera ematen dutelako. "Dagoen egoeraren arrazoietako batzuk, askoz lehenagotik datoz", aurpegiratu die ‘popularrei’, eta egungo Gobernua ere kritikatu du "esaten duen gauza bakarra hondamendi batekin topo egin zutela” delako, bien erantzukizuna agerian utziz.

Ordezkari jeltzaleak ironiaz hitz egin du Jose Luis Escrivaren iragarpenaren aurrean, PPk ezarritako birjarpen-tasekin amaituko duela esanez, horrela enplegu publikoaren eskaintzetan plazen muga kentzea ahalbidetuz, 2020tik ministroa den arren. "Alderdi Sozialistak bost urte baino gehiago izan ditu horiek kentzeko, eta ez du egin, eta ez du EAJ-PNVren inolako zuzenketarik babestu aurrekontuetan ezabatzeko. Eta aurreko hitzorduekin ere amaituko omen du. Baina hau guztia 2024an ez, ikusiko dugu noiz ".