Euskal Talde Parlamentarioko senatari Igotz Lópezek Espainiako Gobernuari galdetuko dio, datorren astearteko kontrol-saioan, zer neurri zehatz hartuko dituen Euskadin trenbide-zerbitzuak jasaten ari diren irregulartasunak zuzentzeko, erabiltzaileei kalte larriak eragiten ari zaizkienak.

Gaintxurizketako tunelaren ahoan agertu diren pitzadurak, tren-geltokietan egiten diren obrek…  trenen maiztasunak bertan behera geratzea eragin dute, eta ordutegi-aldaketak eta Irun-Brinkola linean nahiz Euskadiko beste leku batzuetako lineetan erregistratutako irregulartasunen zerrenda luzera gehitzen dira. Hori dela eta, horiek zuzentzeko neurri zehatzak har ditzala eskatuko dio EAJ-PNVk Garraio eta Mugikortasun Jasangarriko ministroari.