Datorren asteko osoko bilkuran, Nerea Ahedo EAJ-PNVko senatariak Gobernuari galdetuko dio ea uste duen nazioarteko babesa eskatzeko sistemak eskubide hori bermatzen duen. Asilo-eskaera Barne Ministerioaren eskumena da, eta errefuxiatu-estatutua lortzeko izapidean migratzaileen lehen urratsa da. Hala ere, arazo larriak izaten ari dira Euskadiko lurralde guztietan lehen hitzordua lortzeko, Espainiako Estatuko gainerako lurraldeetan bezala. Hori dela eta, Euskal Talde Parlamentarioak bere kezka azalduko du, sistemaren kolapsoak eragiten dituen atzerapenen ondorioz migratzaile askok bere asmoetan atzera egiten ari direlako.