EAJ-PNVko Maria Dolores Etxano senatariak kirol federazio autonomikoen eskumenak errespetatzen direla bermatu gabe jarraitzen direla aurpegiratu dio Pilar Alegria ministroari. Gaurko Gobernuaren Kontrol Saioan, Etxanok gogorarazi dio Hezkuntza, Lanbide Heziketa eta Kiroletako titularrari, Osoko Bilkuran Espainiako Federazioak Euskadiko Automobilismo Federazioaren aldebakarreko desintegrazioa saihesteko CSDren bidez jardun dezala eskatu eta sei hilabetera, "gatazka, konpondu beharrean, enkistatuta jarraitzen duela, eta CSDk, berriz, ez duela jarduten, ez duela erantzuten edo beste alde batera begiratzen duela".

Hori dela eta, kirol-arloko arduradun jeltzaleak berriro eskatu dio Espainiako Gobernuari Euskadiko Automobilismo Federazioari esandakoaren arabera joka dezala, bitartekaritza-prozesu erreal bati ekin diezaiola eta Kirolaren Legea betearaz dezala, beste federazio batzuetan egin duten bezala, Espainiako Automobilismo Federazioari euskal federazioa bere antolamendutik kanpo uztea eragotziz, ustezko gatazka ekonomikoak alegatuz, administrazio-prozedura bermerik gabe eta CSDren ebazpenik gabe.

"Badakizue Euskadiko Automobilismo Federazioa, Eusko Jaurlaritzaren eta talde parlamentario honen babesarekin, negoziatzeko eta akordio batera iristeko borondatea erakusten ari direla, CSDren bitartekaritzarekin; badakizue Euskadiko Federazioak onartzen dituela lizentziak homologatzeko kuotak; badakizue Espainiako Federazioak ez duela dokumentuz justifikatu omen dagoen zorra; badakizue integrazio-hitzarmenak ez direla ezinbestekoak federazioak integratuta egoteko; eta badakizue Gobernuak erregelamendu bidez ezarri beharko duela integratzeko gutxieneko betebeharren banaketa", gogorarazi du Etxanok.

Senatari abertzaleak gehitu du, baita ere, CSDren erantzunik ezak eragotzi egin duela Euskal Federazioak Espainiako federazioaren hauteskunde-prozesuan parte hartzea, eta CSDren eta Kirolaren Administrazio Auzitegiaren artean irizpide-desadostasuna sortu duela, azken honek ez baitu onartzen Euskadiko Federazioak Espainiako Federazioaren hauteskunde-batzordearen erabakiaren aurka jarritako errekurtsoa, haren hautagaitza onartu ez duelako, baina, aldi berean, onartzen du Estatuko Federazioak ez duela jarraitu CSDk autonomia-erkidegoetako federazioak desintegratzeko aurreikusitako erregelamenduak ezarritako prozedura. "TADak beste ahalmen bat ematen dio bere buruari: federazio bat Estataletik bereizita dagoen ala ez ebaztea, eta Kirolaren Legea eta CSDren prozedurak betetzea beharrezkoa ez dela ulertzea. Oinarri juridiko gutxiko ebazpena, babesgabetasun handiagoa eragiten diena federazio autonomikoei ", amaitu du, ministroari esanez kasua judizializatu dela "Administrazioak erantzuten ez duenean, laguntza judiziala bakarrik geratzen delako".