Luke Uribe-Etxebarria EAJ-PNVko senatariak datorren asteartean galdetuko dio Kanpo Gaietarako, Europar Batasuneko eta Lankidetzako ministroari zer pauso eman dituen autonomia-erkidegoen partaidetza bermatzeko 2026aren amaieran Madrilen egingo den Iberoamerikako XXX. Goi Bileraren prestaketa lanetan eta parte hartzean.

Euskal Talde Parlamentarioak proposatuta, urrian Senatuko Iberoamerikako Gaietarako Batzordeak onartu zuen Espainiako Gobernuari eskatzea Euskadi eta gainerako autonomia-erkidegoak estu sar zitezela goi-bilera prestatzeko lanetan eta bertako foroetan parte hartuko zutela ziurtatzea. Orduan, Uribe-Etxebarriak nabarmendu zuen Euskadi eta Latinoamerika lotzen dituzten harreman politiko, ekonomiko, komertzial eta kulturalek euskal erakundeen parte-hartzea justifikatzen dutela.