Datorren asteko osoko bilkuran, Nerea Ahedo EAJ-PNVko senatariak asiloa eskatzen duten pertsonentzako tramiteak arintzeko martxan jartzeko zer hobekuntza egingo dituen galdetuko dio Espainiako Gobernuko Inklusio, Gizarte Segurantza eta Migrazio ministroari. Espainiako Estatu osoan atzerapen luzeak izaten ari dira kudeaketa horiek egiteko hitzorduetan, adibidez Malitik etorritako errefuxiatuak, gerratik eta terrorismo jihadistatik ihesi, Donostian eta Gasteizen itxaron behar izan dutenak Polizia Nazionalaren komisarian hitzordua lortzeko, Gobernu zentralean asilo-izapideak egiten hasteko.