Datorren asteartean, EAJ-PNVko Maria Dolores Etxano senatariak galdetuko dio Ogasun ministroari zer pauso emango dituen elikagaien galeren prebentzioari buruzko apirilaren 1eko 1/2025 Legearen hamazazpigarren azken xedapenean jasotakoa betetzeko. Aipatutako xedapen horrek dohaintzetarako erabiliko diren elikagaiei eta ondasunei aplikatu beharreko araubide fiskala aipatzen du, eta bertan adierazten du Gobernuak, ahalik eta denbora laburrenean, mekanismoa ezarriko duela %0ko tasa berehala aplikatzeko Elikagai Bankuek elikagaiak edo lehen beharrizaneko gaiak erosteko dohaintza gisa egindako ondasun-emate guztiei, espezietan edo dirutan.

Bestalde, Luke Uribe-Etxebarria senatariak Carlos Cuerpo Ekonomia, Merkataritza eta Enpresa ministroari interpelatuko dio zer jarrera duen Europako siderurgia-sektorea defendatzeko Europako Batzordean hartu beharko liratekeen babes-neurri eta tresna komertzialei buruz.