Luke Uribe-Etxebarria EAJ-PNVko senatariak Jordi Hereu Industria eta Turismo ministroari galdetuko dio, datorren asteartean, Espainiako Gobernuak zein neurri eraginkor hartzeko asmoa duen Tubos Reunidos enpresari bere krisia gainditzen laguntzeko.  Gobernuaren kontrolerako saioan, ordezkari abertzaleak lankidetza aktiboa eskatuko dio Espainiako Gobernuari, Aiaraldean eta Trapagaranen zuzenean eragiten duen krisi-egoera hori konpontzeko, bi eskualdeetan kokatutako lantegietako 301 langilerentzako EEEa eta Arabako instalazioetan zenbait industria-jarduera etengo direla iragarri ondoren.