EAJ-PNVko Igotz López senatariak Kultura ministroari galdetuko dio, biharko Gobernuaren kontrol saioan, zergatik Ministerioak uko egiten dion Picassoren Guernica artelana Bilboko Guggenheim Museoari aldi baterako maileguan uzteko beharrezko baldintzak aztertzeari.

Horrela, Euskal Talde Parlamentarioak Senatura eramango du Imanol Pradales lehendakariak eta Ibone Bengoetxea lehendakariordeak egindako erreklamazioa, bai Pedro Sánchez Gobernuko presidenteari, bai Ernest Urtasun ministroari, Picassoren koadro sinbolikoa Bizkaiko hiriburuko museora eramateko bertan erakutsi ahal izateko, hain zuzen ere lehen Jaurlaritza autonomikoaren sorreraren eta Gernikako bonbardaketaren 90. Urteurrenaren inguruan. Eusko Jaurlaritzak ministerioari eskatzen dio txosten posibilista bat egin dezala, salbuespenezkoa eta goi mailakoa, aztertuz ea baldintzarik, baliabide teknikorik eta bermerik badagoen aldi baterako eta ezohiko lagapen baterako, borondate politiko partekatu batetik.

Beste alde batetik, Euskal Taldeak ez du egingo biharko kontrol saiorako aurreikusita zuen galdera, Espainiako Gobernuak sustatutako Sektore Elektrikoaren Legearen aldaketak garraio elektrikoaren sarearen konexio industrialean ekarriko duen atzerapenari buruzkoa, Sara Aagesen hirugarren lehendakariorde eta Trantsizio Ekologikorako eta Erronka Demografikorako ministroak osoko bilkuran ez dela egongo iragarri ondoren.