Estatu Batuetako hipoteka krisiak nazioartean alarma sortu du; Boltsaren jeitsierak, Europako Banku Zentralak egindako diru sarrerak eta interesen igoerak "dezelerazio eta ziurgabetasunaz" hitz egitea eragin du. Hori dela eta, hainbat hiritarri hilero ordaindu beharreko zenbatekoa igo zaie; ondorioz, erakunde hauetara jotzen dute hileroko kuota jeisteko asmoz; aitzitik, hipotekaren iraupena askoz gehiago luzatzen da (15 urte arte), eta interesak ere izugarri igo daitezke (%1etik, %5era).
Javier Maquedak, EAJk Goi Ganbaran duen Ekonomia bozeramaleak, "alarma faltsurik" ez sortzeko eskatu du; hala ere, egoera oso ona ez dela onartu du. Honen harira, senatari jeltzaleak "erabakiak hartu aurretik, oso ondo pentsatzeko eskatu dio hiritarrari; zorren bateratzea epe laburrerako ona izan liteke, baina ez epe luzera". Maquedaren hitzetan, "erabiltzaileak ez daude ongi informaturik; izan ere, Gobernuak ez ditu erakundeak erregulatu, eta abusu ugari egin ditzakete".
Zentzu honetan, EAJko bozeramaleak, martxoan EAJren ekimenez Senatuan onartu zen mozioa gogorarazi nahi izan du; honen arabera, Gobernuari erakunde hauek erregulatzera behartzen zitzaion.