Maria Eugenia Iparragirrek Gaintxurizketan ohiko neurriko trenbidea Abiadura Handiko Trenarenera egokitzeko lanak geratu direlako sortu den kezka helarazi dio Sustapen Ministroari gaur arratsaldean. Likidezia ezagatik enpresa esleipenduna hartzekodunen lehiaketan sartu izanagatiko ezustekoa ulertzen duela aitortu dio EAJko senatariak, baina lanen atzerapena ahalik eta txikiena izan dadin irtenbidea bilatzera premiatu du, bai enpresa berberari irtenbide bat erraztuz, bai esleipen berri bat egiteko lehiaketa berria eginez.