EAJ-PNVk Eutanasia Arautzeko Lege Organikoaren proposamenaren testua osorik berrikusteko eskatu du hizkera ez-sexista eta inklusiboa erabil dezan. Proposamen hori bihar Senatuan hasiko den Osoko Bilkuran eztabaidatuko da eta, egungo idazketak hizkeran tratu-berdintasunari dagozkion ezaugarri horiek kontuan hartzen ez dituenez, EAJ-PNV Taldeak lege-testuak aintzat har dezala eskatu du. "Eutanasia arautzeko legea garrantzitsua iruditzen zaigu; despenalizatu eta arautu egin behar da. Hala ere, lege baten beharra ez dago legearen idazketan hizkuntza inklusiboa erabiltzeko premiarekin kontrajarrita", nabarmendu du Nerea Ahedo senatariak.