Maria Dolores Etxano EAJ-PNVko senatariak datorren asteartean galdetuko dio Irene Montero Berdintasun ministroari zer urrats eman dituen Espainiako Gobernuak sexu-indarkeriak egiaztatzeko administrazio-prozedura onartzeko, Sexu-askatasunaren berme integralari buruzko irailaren 6ko 10/2022 Lege Organikoaren 37. artikuluan ezarritakoaren arabera.

Joan den maiatzean aurkeztutako interpelazio batean egin bezala, Berdintasun arloko bozeramaile jeltzaleak egiaztapen horren beharra agerian utzi du, sexu-indarkeria prebenitu, aurre egin, konpondu eta desagerrarazteko 10/2022 Lege Organikoan ezarritako eskubide, baliabide eta zerbitzu guztien irismena zabaldu ahal izateko, 2004ko legegintza-testuan jasotzen ez zirenak, eta horiek bere osotasunean hedatu ahal izateko administrazio eskudun guztietatik, bakoitzak bere erantzukizunetik.