Maria Dolores Etxano EAJ-PNVko senatariak Ana Redondo ministroari galdetuko dio, datorren astearteko kontrol saioan, Berdintasun Ministerioak zein epetan aurreikusten duen Genero Indarkeriaren aurkako Babes Osorako Neurriei buruzko abenduaren 28ko 1/2004 Lege Organikoan eta Sexu Askatasunaren Berme Integralari buruzko irailaren 6ko 10/2022 Lege Organikoan aurreikusitako emakumeen aurkako indarkeria matxistaren biktimentzako laguntzak emateko oinarrizko baldintzak bateratzeko beharrezko lanak hastea. Etxanok ekainean helarazi zion kezka hori ministroari, eta honek konpromisoa agertu zuen autonomia erkidego guztietan laguntza horietarako irizpideak bateratzeko, hurrengo egunean egiten zen konferentzia sektorialean berriak izango zirela ziurtatuz.