EAJ-PNVko Luke Uribe-Etxebarria senatariak Diana Morant Zientzia, Berrikuntza eta Unibertsitate ministroari galdetuko dio, datorren astearteko kontrol-saioan, zer neurri politiko, juridiko eta tekniko ezartzen ari den atzerriko unibertsitate-tituluen homologazio-prozesua eta Estatuko tituluen baliokidetasun-deklarazioa arintzeko, bereziki Euskadin bizi diren eskatzaileen egoerari dagokionez. Gogoratu behar da joan den martxoan Auzitegi Gorenak erabat baliogabetu zuela apirilaren 9ko 366/2024 Errege Dekretua, atzerriko goi-mailako hezkuntza-sistemetan lortutako tituluen homologazioari eta baliokidetasun-deklarazioari buruzko funtzioak Euskal Autonomia Erkidegoari transferitzen zizkiona. Epai horretan, Eusko Jaurlaritzak errekurtsoa jarri du Konstituzio Auzitegian.