HARREMANETARAKO
WWW.EAJ-PNV.EUS
Berriak
Senatua
2014/10/14
Jose Maria Cazalisek aurrekontuetan gaixotasun arraroak artatzea bermatzeko partida gorde dezala eskatu dio Osasun Ministroari
Jose Maria Cazalisek 2015erako Estatuko Aurrekontu Orokorretan gaixotasun arraroak dituzten pertsonak Estatuko ospitale eta espezialista onenekin eta baldintzarik onenetan artatuko dituztela bermatuko duen partida kontuan hartzea eskatu dio Ana Matori, Osasun, Gizarte Zerbitzu eta Berdintasun Ministroari.
BERRIA
2014/10/14
Emakumearen Institutuaren egitura berriak “protagonismoa eta indarra kentzen” dio berdintasunaren helburuari
Maria Eugenia Iparragirrek Emakumearen Institutua aldatzerakoan jarraitu dituen irizpideak zeintzuk izan diren galdetu dio Ana Mato ministroari, izan ere ‘Emakumearen Institutua‘ zena ‘Emakumearen eta Aukera Berdintasunerako Institutua‘ izatera pasatu berri da.
BERRIA
2014/10/09
EAJren Gorteetako ordezkariek “informazio gardentasuna eta kudeaketa eraginkorra” eskatu diote Ana Matori Ébolaren auzian
Jose Maria Cazalis eta Joseba Agirretxea, Senatuan eta Kongresuan Osasun gaietarako Euzko Abertzaleak Taldeko ordezkari direnak, Osasun, Gizarte Gai eta Berdintasunerako Ministroak Ébolarekin kutsatutako erizainaren inguruan sortu den egoerari buruzko informazioa emateko deitu zuen batzarrean izan ziren urriaren 9an. Ordezkari jeltzaleek “informazio gardentasuna eta kudeaketa eraginkorra” eskatu zioten Ana Matori.
BERRIA
2014/10/09
Estatuko Gobernuak bere egin du EAJren eskaera eta antibiotikoekiko erresistentziak desagertzeko lan egingo du
Jose Maria Cazalis Senatari jeltzaleak 2013ko maiatzean antibiotikoekiko erresistentziak saihestu edota desager daitezen egin zuen interpelazioak bere fruituak eman ditu, izan ere, Osasun eta Ekonomia Ministerioek Plan Estrategikoa prestatzen ari dira mikrobioen aurkako botikekiko erresistentzia arriskuak gutxitzeko, giza medikuntza eta albaitariena kontuan hartuz.
Senatua
2014/10/08
Jokin Bildarratz Alemanian izan zen bisita informatiboan
Senatuko Talde Parlamentarioen ordezkariekin osatutako delegazioa Alemanian izan zen urriaren 6tik 10era bitartean informazioa jasotzeko egindako bisitan. Euzko Abertzaleak Taldeko ordezkari den Jokin Bildarratz ere parte hartu zuen elkartruke ekimen honetan elkarrizketa politiko eta espezializatuak egin zituzten Berlin eta Baden-Wurtemberg hirietan. Horien artean nabarmenenak Bundestag, alemaniar herria ordezkatzen duen Beheko Ganberako Batzorde Juridikoa; Bundesrat (Batzorde Federala, Federatutako hamasei Länder edo Estatuen ordezkaritza ganbera); Justizia eta Kanpo Harremanetako Ministerio Federalak; Konstituzio Gorte Federala eta Baden-Wurtemberg-eko Lurralde Gobernua.
BERRIA
2014/10/07
Jose Maria Cazalisek Ébolari aurre egiteko Afrikan bertan lana indartu behar dela berretsi dio Osasun Ministroari
Madrilen pertsona bat Ébola birusarekin kutsatu dela jakin ostean, José María Cazalis senatariak berretsi egin dio Osasun Ministerioari epidemia zabaldu ez dadin Sahararen Hegoaldean kaltea sufritzen ari diren herrialdeetan bertan aurre egiteko laguntza handitzeko eskaera. Euzko Abertzaleak EAJ-PNV Taldeko senatariak irailaren 9ko Osoko Bilkuran eskatu zion Ana Matori horixe egin zezan.
Senatua
2014/10/01
Anasagastik enbaxadetako agregatu komertzialek euren lana betetzen duten herrietan denbora gehiago egitea eta prestakuntza hobea izatea eskatu du
Iñaki Anasagasti senatariak enbaxadetako agregatu komertzialek euren lana beteko duten herrietan denbora gehiago egiteko aukera izatea eskatu dio Luis de Guindos Ekonomia eta Lehiakortasun ministroari, eraginkorragoak izan daitezen. Horrez gain, ezagutza aldetik prestakuntza hobea duen jendea izatea ere eskatu du.
Senatua
2014/09/30
Rut Martínez senatariak bere ministerioa “ez dela nor” esan dio Montoro ministroari ertzain gehiago kontratatu behar den ala ez esateko
Euzko Abertzaleak taldeko Rut Martínez senatariak “ez zu ez zure ministerioa ez zarete nor Segurtasun Batzordeari polizia autonomo gehiago kontratatu ahal duen ala ez esateko”, adierazi dio Ogasun eta Administrazio Publikoetako Cristóbal Montoro ministroari. “Zure ministerioa ez da nor Eusko Jaurlaritzari esateko aurretiaz Lanerako Eskaintza Publikoa deitu behar duela, eta zuk badakizu”, aurpegiratu dio.
BERRIA
2014/09/30
Bildarratz senatariak “Autonomien Estatuaren inboluzioa” planteatzen ari dela egotzi dio Rajoyri administrazioetako bikoiztasunen inguruan egin duen diagnostikoarekin
Jokin Bildarratz, Euzko Abertzaleak Taldeko Senatariak “Autonomien Estatuaren inboluzioa” planteatzen duela egotzi dio Mariano Rajoyri Administrazio Publikoan ematen diren bikoiztasunak saihesteko planteatzen dituen neurriak ikusita. Gobernua kontrolatzeko gaur egindako Osoko Bilkuran, Presidenteari galdetu dio ea “zentzuzko, bidezko eta proportzional” ikusten duen Espainiako Gobernuak bikoiztasunak antzemateko egindako azterketan guzti-guztiak Euskadiko Administrazioaren ardura moduan ikustea. “Behin ere ez du planteatzen bikoiztasun horiek Estatuko Administrazioak dituen hainbat organoetakoren bati egoztea”, gehitu du Bildarratzek.
Senatua
2014/09/28
Jai eta omenaldi jendetsua alderdiari eta ikurriñari
120 bete dituen Ikurrinaren berotasunean, milaka jarraitzaile eta afiliatuk ospatu dute 2014ko Alderdi Eguna Forondako zelaietan. Han izan ziren, jakina, Euzko Abertzaleak Taldeko senatari diren Rut Martínez, Jokin Bildarratz, José María Cazalis, María Eugenia Iparragirre eta Iñaki Anasagasti ere, agintari eta hainbat herritako Uri Buru Batzarretako ordezkariekin batera desfilatuz.
BERRIA
2014/09/22
Anasagasti senatariak AENAri Bilboko aireportuko itxuraren mantentze lanak egin dezala eskatzea galdegin dio Gobernuari
Bilboko aireportuaren instalazioen kontserbazio egoera ikusita, Euzko Abertzaleak EAJ-PNV Taldeko senataria den Iñaki Anasagastik “AENAri Euskadirako sarrera den eraikin honekiko dituen itxura betebeharrak betearaztea eskatzeko asmorik duen” geldetu dio Gobernu espainolari.
Senatua
2014/09/18
Cazalis senatariaren iritziz, antxoaren arrantza berriz zabaltzeko Ministerioak hartutako erabakia “ez da ona ezta bidezkoa ere”
Udazkenean antxoa harrapatzeko aukera berriz ere zabaltzeko Nekazaritza, Arrantza eta Elikadura Ministerioak hartutako erabakia “ez da ona ezta bidezkoa ere”, Jose Maria Cazalis Euzko Abertzaleak EAJ-PNV Taldeko senatariaren iritziz. Ministerioak bere kabuz hartutako erabakiaren bitartez Estatu espainiarrari 2014ko uztailetik eta 2015eko ekainera bitarteko sasoirako dagokion kuotatik Kantauri eta Galiziako baxurako arrantza sektorearekin duela urte batzuk adostutako kuotaren %10 gehiago arrantzatzeko aukera ematen zaie.
