HARREMANETARAKO
WWW.EAJ-PNV.EUS
Berriak
Senatua
2015/01/27
Anasagasti eta Iparragirre, Europako Parlamentua eta Gorte Orokorren arteko harremanen topaketan
Iñaki Anasagasti eta Maria Eugenia Iparragirre senatariek Europako Parlamentua eta Espainiako Gorte Orokorren arteko harremanak hizpide izango dituen topaketan hartuko dute parte asteazken honetan, urtarrilak 28, Bruselan. Hauek Gorte Orokorretako delegazioarekin batera joan dira, guztira Senatuko eta Kongresuko 36 ordezkari batuz, tartean baita Pedro Aspiazu diputatu jeltzalea ere
Senatua
2015/01/20
Euzko Abertzaleak Taldeak babesa eman dio frankismoko krimenen inguruko Egiaren aldeko Batzordearen Plataformari
Frankismo garaian izandako krimenen inguruko Egiaren aldeko Batzordearen Plataformako ordezkariak hartu ditu asteon Euzko Abertzaleak Taldeko Justizia Batzordeko bozeramailea den Jokin Bildarratzek. Ordezkari jeltzaleak babesa eman dio elkarteari urtarrilaren 27an gogoratzen den Holokaustoaren Egunean Senatuak egiten duen ekitaldian frankismoaren garaiko biktimek ere euren lekua izan dezaten egiten ari den eskaeran.
Senatua
2015/01/19
Bildarratzek “kristalezko administrazioak” eskatu ditu Gardentasun Batzordearen eraketan
Senatuko Euzko Abertzaleak Taldearen bozeramailea den Jokin Bildarratzek “kristalezko administrazioak” eskatu ditu Estatu espainiarraren historian lehen aldiz Gardentasun eta Gobernu Onaren Batzordea osatu ostean. Erakunde berri honetako Senatuko ordezkariak batzorde honetako gainontzeko kideak ere “sentipen eta ildo berean” daudela adierazi du.
Senatua
2015/01/16
Astelehenean eratuko dute Gardentasun eta Gobernu Onerako Batzordea, Jokin Bildarratz Senatuko ordezkari izango duena
Euzko Abertzaleak Taldeko bozeramailea den Jokin Bildarratz kide izango duen Gardentasun eta Gobernu Onerako Batzordea astelehenean eratuko da. Espainiako Estatuaren historian lehen aldiz osatuko da urtarrilaren 19an martxan jarriko den organo hau.
Senatua
2015/01/07
EAJk segurtasun juridiko handiagoa eskatu dio Estatuko Gobernuari armen salerosketaren kontrolean
Iñaki Anasagastik defentsarako materiala, bestelako materiala eta erabilera bikoitzeko produktuak eta teknologiak atzerrian saldu edota erosteko Espainiak onartu berri duen kontrolerako arautegiak ekarri duen aurrerapausoa segurtasun juridiko handiagoa emango dion beste neurri batzuekin sendotzea beharrezkotzat ikusten duen galdetu dio Estatuko Gobernuari.
Senatua
2014/12/20
EAJk autonomia erkidegoek Espainiako Gobernuaren kanpo ekintzaren estrategian duten papera aldarrikatu du García Margalloren aurrean
Eusko Alderdi Jeltzaleak Espainiako Gobernuak kanpo ekintzetarako estrategia adosterakoan lehenengo autonomia erkidegoei kontsulta egin behar diela eskatu dio José Manuel Garcia Margallo, Kanpo Gai eta Lankidetzarako ministroari.
Senatua
2014/12/19
EAJk Itsasoko Arrantzu Lege berria ez dadila paper erre bihurtu exijitu du sektoreko emakumeen papera berdintzeari dagokionez ere
Senatuko Euzko Abertzaleak Taldearen iritziz asteon Senatuaren oniritzia jaso duen Itsasoko Arrantzu Lege berriak “horzkada” bat ematen die autonomia erkidegoen eskuduntzei. Hau izan da Goi Ganberan egin den azken tramitean EAJk lege honi aldeko bozka ez emateko arrazoi nagusia, dena dela ez dio betorik jarri, azken baten Euzko Taldeak, hain zuzen ere Nekazaritza eta Arrantzu Batzordeko ordezkaria den Jose Maria Cazalisek, azken urteotan landu eta Senatuan hainbestetan eskatu izan dituen hainbat arlo jasotzen direlako bertan: arrantzu-turismo jarduera arautzea eta emakumeak sektorean betetzen duten ezinbesteko paperari onartzea.
Senatua
2014/12/16
EAJk MUFACEri beharrezko ekarpenak egin ditzan ohartarazi dio Estatuko Gobernuari, mutualitateak arriskurik izan ez dezan
Ogasun eta Administrazio Publikoen Ministerioari dagokion Estatuko Funtzionario Zibilen Mutualitate Orokorra egoera kezkagarrian dago, Senatuko Euzko Abertzaleak Taldearen iritziz; horregatik, Rut Martinezek bere egoera ekonomikoa azter dezan eskatu dio Ministerioari.
Senatua
2014/12/16
EAJ Renfeko ordezkariekin batzartu da Ventaseko tren geralekuaren proiektuaren jarraipena egiteko
Euzko Alderdi Jeltzaleko ordezkariak Renfeko Bidaiarien saileko ordezkariekin batzartu dira gaur Senatuaren egoitzan Irungo Ventaseko tren geralekua zaharberritzeko proiektuaren nondik norakoak ezagutzeko. Hain zuzen ere, Maria Eugenia Iparragirre senatari irundarra eta herri horretako zinegotzia den Xabier Iridoy izan dira bilera horretan.
Senatua
2014/12/10
Senatuak Jokin Bildarratz aukeratu du Gardentasun eta Gobernu Onaren Batzordeko kide moduan
Senatuko Ogasun eta Administrazio Publikoetako Batzordeak Euzko Abertzaleak EAJ-PNV Taldeko Jokin Bildarratz senataria aukeratu du gaur Gardentasun eta Gobernu Onaren Batzordeko kide moduan.
Senatua
2014/12/10
PPk ezezkoa eman dio Senatuan Forondako aireportuari 24 orduko erabilera ematea ahalbidetuko liokeen emendakinari
Euzko Abertzaleak Taldeak Forondako aireportuak 24 orduko zerbitzua berriz eman dezan egin duen proposamenari ezezko erantzuna eman dio, berriz ere, Alderdi Popularrak Senatuan; aitzitik, Gasteizko aireportuak duen ordutegi mugatua sendotuko lukeen transakzio emendakin batekin erantzun diote ‘popularrek‘ jeltzaleen eskaintzari.
Senatua
2014/12/09
EAJk euskal herritarrentzako arlo garrantzitsuenak lehenetsi ditu Estatuko Aurrekontu Orokorretan
Senatuko Euzko Abertzaleak Taldeak mugatu egin ditu 2015eko Alderdi Popularrak diseinatu duen Aurrekontu Orokorraren Lege Proiektuari aurkeztutako emendakinak, euskal herritarrentzat oinarrizkoak direnei bere indar guztiak eskainiz.
