HARREMANETARAKO
WWW.EAJ-PNV.EUS
Berriak
Senatua
2014/10/30
EAJk Kanabis Gizarte Elkarteen jarduera arautzeko eskatu dio Estatuko Gobernuari
Euzko Abertzaleak Taldeak Kanabis Gizarte Elkarteen jarduera arautzeko beharrezkoak diren erabakiak hartzeko eskatu dio Estatuko Gobernuari. Drogen Arazoa Aztertzeko Kongresuak eta Senatuak duten Batzorde Mistoan aurkeztutako legez besteko proposamen baten bitartez egin du organo horretan EAJren ordezkaria den legez besteko proposamenlegez besteko proposamenJose Maria Cazalis senatariak, bertan eztabaida dezaten.
Senatua
2014/10/29
Cazalisek ohartarazi du Ébolak sortutako egoeraren aurrean Estatuko Gobernuak erantzukizunik ez duela hartzen eta autokonplazentzia erakusten duela
Senatuko Euzko Abertzaleak Taldeak bere harridura eta atsekabea erakutsi du Madrilgo Carlos III ospitalean Ébola kutsadurak sortutako egoera larria gainditu ostean Estatuko Gobernuak ez duelako inolako erantzukizunik hartu eta autokonplazentzia erakutsi duelako. Gobernua kontrolatzeko asteon egiten ari den Osoko Bilkuran José María Cazalisek Osasun, Zerbitzu Sozial eta Berdintasuneko Ministerioak adituen batzorde independente bat sortzeko asmorik duen galdetu dio Ministroari Ébolarekin oraintsu bizi izandako krisiaren eta bere gestioaren alderdi guztiak aztertzeko, etorkizunean sortu ahalko ziren antzeko larrialdi egoeren aurrean hobea izan dadin.
Senatua
2014/10/28
Senatuak babesa eman dio Hodei Egiluzen familiari
Senatuaren Osoko Bilkurak Hodei Egiluzen familiari babesa eta elkartasuna adierazteko adierazpen instituzionala onartu du. Belgikako Anberes herrian duela urte bete desagertu zen galdakoztar gaztearen aita batzarrean izan zen urriaren 28an eta ostean Mariano Rajoy, Gobernuko Presidentea, eta Jorge Fernández Díaz, Barne Ministroarekin izateko aukera izan zuen.
Senatua
2014/10/28
Ertzain berriak hautatzeko deialdiaren kontra jarritako helegitea oraindik kendu ez izana kritikatu dio Estatuko Gobernuari Rut Martinezek
Senatuko Eusko Abertzaleak EAJ-PNV Taldeak Euskal Herriko Justizia Auzitegi Gorenaren aurrean 120 ertzain berri hautatzeko Eusko Jaurlaritzak egindako deialdiaren kontra jarritako helegitea oraindik kendu ez izana kritikatu dio Ogasun Ministerioari, jeltzaleekin horixe egiteko akordiora heldu eta hamabost egun igaro direnean. Jeltzaleek atsekabez hartu dute Montoro ministroak inpugnazioa kenduko zuelako hitza bete ez izana eta, aurreratu dutenez, “beharrezkoak diren ekimenak aurkeztuko ditugu Gobernuak helegitea kendu arte”.
Senatua
2014/10/21
Ertzaintzaren lan deialdiaren aurkako helegitea kentzea eskatuko dio berriz ere EAJk Estatuko Gobernuari
EAJk ertzain berriak hautatzeko deialdiaren kontra jarritako helegitea kentzeko eskatzen duen mozioa aurkeztuko dio berriz ere Gobernuari. Oraindik bete ez duen arren, Ogasun eta Administrazio Publikoetako Ministerioak helegitea kentzeko joan den astean bien artean lortutako akordioa gauzatzeko agiria gaur zuzenduko diola jakinarazi dio Euzko Abertzaleak Taldeari.
BERRIA
2014/10/15
Anasagastik artxibo historikoak kontsultatzea errazteko eskatu dio Gobernuari
Iñaki Anasagastik artxibo historikoak kontsultatu ahal izateko Europar Batasunak ezartzen duen ‘hogeita hamar urteetako araua’ deitutakoaren irizpideak jarraitzea eskatu dio Gobernuari. Honen bitartez, publikoak agiri horiek ikusi ahal izaten ditu hauek sortu eta hogeita hamargarren urtera. Beste eskari bi ere egin ditu: ikertzaileek Kanpo Harreman eta Defentsa Ministerioetako Artxibategiak kontsultatu ahal izatea eta Sekretu Ofizialen Legea berrikustea lan historiko eta gardentasunezko honetan inolako traba legalik egon ez dadin.
Senatua
2014/10/14
Jose Maria Cazalisek aurrekontuetan gaixotasun arraroak artatzea bermatzeko partida gorde dezala eskatu dio Osasun Ministroari
Jose Maria Cazalisek 2015erako Estatuko Aurrekontu Orokorretan gaixotasun arraroak dituzten pertsonak Estatuko ospitale eta espezialista onenekin eta baldintzarik onenetan artatuko dituztela bermatuko duen partida kontuan hartzea eskatu dio Ana Matori, Osasun, Gizarte Zerbitzu eta Berdintasun Ministroari.
BERRIA
2014/10/14
Emakumearen Institutuaren egitura berriak “protagonismoa eta indarra kentzen” dio berdintasunaren helburuari
Maria Eugenia Iparragirrek Emakumearen Institutua aldatzerakoan jarraitu dituen irizpideak zeintzuk izan diren galdetu dio Ana Mato ministroari, izan ere ‘Emakumearen Institutua‘ zena ‘Emakumearen eta Aukera Berdintasunerako Institutua‘ izatera pasatu berri da.
BERRIA
2014/10/09
EAJren Gorteetako ordezkariek “informazio gardentasuna eta kudeaketa eraginkorra” eskatu diote Ana Matori Ébolaren auzian
Jose Maria Cazalis eta Joseba Agirretxea, Senatuan eta Kongresuan Osasun gaietarako Euzko Abertzaleak Taldeko ordezkari direnak, Osasun, Gizarte Gai eta Berdintasunerako Ministroak Ébolarekin kutsatutako erizainaren inguruan sortu den egoerari buruzko informazioa emateko deitu zuen batzarrean izan ziren urriaren 9an. Ordezkari jeltzaleek “informazio gardentasuna eta kudeaketa eraginkorra” eskatu zioten Ana Matori.
BERRIA
2014/10/09
Estatuko Gobernuak bere egin du EAJren eskaera eta antibiotikoekiko erresistentziak desagertzeko lan egingo du
Jose Maria Cazalis Senatari jeltzaleak 2013ko maiatzean antibiotikoekiko erresistentziak saihestu edota desager daitezen egin zuen interpelazioak bere fruituak eman ditu, izan ere, Osasun eta Ekonomia Ministerioek Plan Estrategikoa prestatzen ari dira mikrobioen aurkako botikekiko erresistentzia arriskuak gutxitzeko, giza medikuntza eta albaitariena kontuan hartuz.
Senatua
2014/10/08
Jokin Bildarratz Alemanian izan zen bisita informatiboan
Senatuko Talde Parlamentarioen ordezkariekin osatutako delegazioa Alemanian izan zen urriaren 6tik 10era bitartean informazioa jasotzeko egindako bisitan. Euzko Abertzaleak Taldeko ordezkari den Jokin Bildarratz ere parte hartu zuen elkartruke ekimen honetan elkarrizketa politiko eta espezializatuak egin zituzten Berlin eta Baden-Wurtemberg hirietan. Horien artean nabarmenenak Bundestag, alemaniar herria ordezkatzen duen Beheko Ganberako Batzorde Juridikoa; Bundesrat (Batzorde Federala, Federatutako hamasei Länder edo Estatuen ordezkaritza ganbera); Justizia eta Kanpo Harremanetako Ministerio Federalak; Konstituzio Gorte Federala eta Baden-Wurtemberg-eko Lurralde Gobernua.
BERRIA
2014/10/07
Jose Maria Cazalisek Ébolari aurre egiteko Afrikan bertan lana indartu behar dela berretsi dio Osasun Ministroari
Madrilen pertsona bat Ébola birusarekin kutsatu dela jakin ostean, José María Cazalis senatariak berretsi egin dio Osasun Ministerioari epidemia zabaldu ez dadin Sahararen Hegoaldean kaltea sufritzen ari diren herrialdeetan bertan aurre egiteko laguntza handitzeko eskaera. Euzko Abertzaleak EAJ-PNV Taldeko senatariak irailaren 9ko Osoko Bilkuran eskatu zion Ana Matori horixe egin zezan.
