HARREMANETARAKO
WWW.EAJ-PNV.EUS
Berriak
Senatua
2014/11/26
Jokin Bildarratzek ea Euskadiko Alderdi Popularra existitzen den galdetu dio Gobernuari Estatuko Aurrekontuen debatean
Euzko Abertzaleak Taldeko Jokin Bildarratzek ea Euskadiko Alderdi Popularra existitzen den galdetu dio Ogasun eta Administrazio Publikoetako ministroari, Araba eta Euskadiko interesak defendatzeko erakutsi duen gaitasun eza eta Estatu mailako Alderdi Popularraren politikekiko duen mendekotasuna kontuan hartuta.
Senatua
2014/11/25
EAJk haurrak babesteko lege aurreproiektua lehenbailehen argitaratzea exijitu dio Ana Matori
Euzko Abertzaleak Taldeak haurrak babesteko lege aurreproiektua lehenbailehen argitaratzea exijitu dio Osasun, Gizarte Zerbitzu eta Berdintasun ministroari. Maria Eugenia Iparragirrek genero biolentziaren ondorioak sufritzen dituzten haurrenganaino zabaldu du Espainiako Gobernuak hartu beharreko neurrien eskaera, hauek biktima moduan hartu daitezen eta, batez ere, zoritxarrari aurre egiteko hauentzako laguntza indartu dadin.
Senatua
2014/11/25
Bildarratzek ETAko presoak gizarteratzeko akordio zabalak eskatu dizkio Rajoyri
Senatuko Euzko Abertzaleak EAJ-PNV Taldeko bozeramailea den Jokin Bildarratzek ETAko presoak gizarteratzeko politikak sustatzeko beste erakunde batzuekin akordio zabalak bilatzeko eskatu dio Gobernuko presidenteari, erakundeak ekintza armatua utzi ostean zabaldu den garai politiko berria kontuan hartuz.
EBB
2014/11/24
EAJ-PNVren adierazpena azaroaren 25a Emakumeenganako Indarkeria ezabatzeko Nazioarteko Egunaren kariaz
Nazio Batuen Erakundeak “Emakumeenganako bortxakeria ezabatzeko Nazioarteko Eguna” izena eman zion azaroaren 25aren kariaz, EAJ-PNVren aldetik, berriro ere, gure gaitzespenik sendoena adierazi nahi diegu emakumeen kontra egiten diren bortxakeria adierazpen guztiei.
Senatua
2014/11/24
EAJ pozik da Hondarribiko aireportuari onartutako salbuespenarekin
Senatuko Euzko Abertzaleak Taldea pozik azaldu da pista handitu gabe AENAk Hondarribiko aireportuari zerbitzua ematen jarraitzea bermatzen dion baimena eman diola baieztatu delako. Albistea Senatari jeltzaleek Espainiako Gobernuari aurkeztutako hainbat ekimenen ostean dator, Eusko Jaurlaritzak AENA eta Abiazio Zibilarekin gauzatu dituen lanak indartuz.
Senatua
2014/11/21
Euzko Abertzaleak Taldeak betoa jarri die 2015eko Estatuko Aurrekontu Orokorrei
Senatuko EAJ-PNVren Euzko Abertzaleak Taldeak betoa ezarri die 2015eko Estatuko Aurrekontu Orokorrei, Gobernuari berriz itzultzeko eskaria egitearekin batera. Berpizte ekonomikoa ahalbidetuko lukeen neurririk ez jasotzea eta Euskadirentzako proposamenik ez izatea dira erabaki horren arrazoi nagusiak.
Senatua
2014/11/12
Bildarratzek Gobernuak Guda Zibilean eta Frankismoan izandako hilketa eta bidegabekeriak iker ditzan eskatu du
Euzko Abertzaleak EAJ-PNV Taldeko bozeramaile den Jokin Bildarratzek Justizia Ministroari atzo egindako interpelazioaren ondorengo mozioa aurkeztu du. Bertan Memoria Historikoaren Legea deritzonaren betetze, garatze eta exekuzioaren balorazioa egitea eskatu zion senatari jeltzaleak Rafael Catalari; hain zuzen ere, Guda Zibil eta diktaduran zehar jazarpena edo biolentzia sufritu zutenen aldeko eskubideak aitortu eta zabaltzen dituena eta horretarako neurriak ezartzen dituena.
Senatua
2014/11/12
Iparragirrek Euskadiko AHTari buruzko azalpenak Estatuko Gorte Nagusietan ematea exijitu dio Sustapen Ministroari
Euzko Abertzaleak EAJ-PNV Taldeko Maria Eugenia Iparragirre senatariak Euskadiko Abiadura Handiko Trenaren lanei buruz informazioa emateko Sustapen Ministroak erabiltzen dituen foroak ez direla aproposak kritikatu du. Ordezkari jeltzaleak gaitzetsi egin du Ana Pastorrek Parlamentuko jardunetik kanpoko foroak baliatzen dituela egitasmoa 2020rako amaituta egongo dela iragartzeko Estatuko Gorte Nagusietan epe horiek zehazteko konpromisoak hartzeari uko egiten dion bitartean. “Ez da hura informazioa emateko lekua, gezurretan aritzeko izan arren, sinesgarritasun guztia galdu duelako”, azaldu du.
Senatua
2014/11/11
Anasagastik 1936tik 1968ra bitarteko agiriak desklasifikatzeko eskatu dio Defentsa Ministerioari
Euzko Abertzaleak Taldeko Iñaki Anasagasti senatariak hainbat historialarik ikertu nahi dituzten 1936tik 1968ra bitarteko 10.000 agiri inguru desklasifikatzeko eskatu dio Pedro Morenes Defentsa Ministroari. Eskaria “lehentasun bat dela irizten dioten 300 ikerlariren izenean” egin du senatariak Goi Ganberan Gobernua kontrolatzeko gaur egin den Osoko Bilkuran.
Senatua
2014/11/11
EAJ pozik da Ertzaintzaren lan eskaintza publikoa egin ahal izatea erraztu duelako
Estatuko Abokatutzak joan den irailaren 29an Euskal Herriko Justizi Auzitegi Nagusiaren aurrean 120 ertzain berri hautatzeko deialdiaren kontra jarritako helegitea kendu du, horrela Eusko Jaurlaritzak uztailean hasi zuen Lan Eskaintza Publikoa arazorik gabe gauzatzeko bidea zabalik geratu da.
Senatua
2014/11/06
Anasagastik Loiuko aireportuaren inguruan egindako galderari informazio faltsuarekin erantzutea egotzi dio Gobernuari
Euzko Abertzaleak Taldeko Iñaki Anasagasti senatariak Loiuko aireportuko hegazkineratze esparrua berrantolatzeari buruz Estatuko Gobernuak eman zion erantzuna “faltsua” dela jakin ahal izan du. Hori dela eta, berriz ere idatzitako galdera bat zuzendu dio Estatuko Exekutiboari jakiteko ea AENAri “behingoz” eskatuko dion Bilboko aireportuak behar duen mailako zerbitzua eman dezala. Duela hamabi urte eman zen hegazkineratze esparruan AENAren informazio gune bat jartzeko gomendioa baina oraindik ez da bete.
Senatua
2014/11/04
Bildarratzek Justiziarentzako baliabide gehiago eskatu du ustelkeriaren aurka lan eraginkorra egin dezan
Senatuko Euzko Abertzaleak Taldeko bozeramailea den Jokin Bildarratzek kontrolerako organoen aurrekontuak handitzea eta haien baliabideak gehitzea eskatu du, bai Justizian bai Kontuen Auzitegian, politikaren esparruan egon daitezkeen ustelkeria kasuen aurka egiten laguntzeko. “Edo bene-benetan sinesten dugu eta modu gardenean, apaltasunez eta konfiantza lortzeko gogoz lan egiten da, edo geure burua engainatzen ari gara”, laburbildu du.
